ភ្នំពេញ​៖ បើ​យោងតាម​ទំព័រ Facebook របស់លោក ឡុង ឌី​ម៉​ង់ អ្នកនាំពាក្យ​សាលា​រាជធានី​ភ្នំពេញ បានសរសេរថា ឯកឧត្ដម ប៉ា សុជាតិ​វង្ស អភិបាល​នៃ​គណៈ​អភិបាល​រាជធានី​ភ្នំពេញ បានអនុញ្ញាត​ឲ្យ​ក្រុមហ៊ុន Henan Provincial Communications Planning Survey and Design Institute Co.,Ltd ធ្វើ​បទ​បង្ហាញ​ពី​គម្រោង​សាងសង់​ផ្លូវ​ល្បឿន​លឿន រត់​ស្រប​ពីលើ​ផ្លូវ​រថភ្លើង ចាប់ពី​ចំណុច​ផ្លូវ R6 ក្ដាន់​ពីរ ដល់​អាកាសយានដ្ឋាន​អន្តរជាតិ​ភ្នំពេញ​។

​លោក​បាន​បញ្ជាក់ថា ការធ្វើ​បទ​បង្ហាញ​ពី​គម្រោង​សាងសង់​ផ្លូវ​ល្បឿន​លឿន​ខាងលើ បានធ្វើ​ឡើង​កាលពី​រសៀល​ថ្ងៃទី​៣ ខែធ្នូ ឆ្នាំ​២០១៥ កន្លងមកនេះ ហើយ​គម្រោង​ផ្លូវ​ល្បឿន​លឿន​នេះ មាន​ប្រវែង​៩.៣​គីឡូម៉ែត្រ និង​ទទឹង ២០​ម៉ែត្រ រត់​ស្រប​ពីលើ​ផ្លូវ​រថភ្លើង ចាប់ពី​សួន​ក្ដាន់​ពីរ​ទៅ​ប្រ​លាន​យន្តហោះ​អន្តរជាតិ​ភ្នំពេញ​៕​